Skrýtin meiðsli

Fyrir mörgum árum sðíðan var ég í Georgiu í Bandaríkjunum um jól og ákvað að skella mér í LA fitness til þess að lyfta. Það var kalt i veðri og ég náði ekki að hita vel upp. Í æfingu þar sem ég togaði upp þyngd að brjóstkassanum meiddi ég mig. Ég fann brak og bresti aftarlega í öxlinni og mikinn sársauka. Sársaukinn var ekki stöðugur og kom við ákveðna hreyfingu og svaf í réttri stellingu til að trufla þetta ekki. Svo leið tíminn og ég var orðinn vanur að passa að angra þetta ekki. Síðan á hlaupunum um daginn þá fann ég fyrir þessu aftur af fullum þunga. Ég fór að nudda svæðið til að ná bólgum úr því þegar ég fattaði að bein í öxlinni var laust.Gömlu meiðslin síðan í Georgiu voru ekki tognun heldur hafði ég axlabrotnað... Beinið hefur ekki gróið rétt allan þennan tíma og er laust inni í öxlinni. Það truflar mig ekki neitt nema í ákveðnum hreyfingum eins og áður. Til að koma því í lag  aftur tekur örugglega margar skurðaðgerðir og vesen. Ekki þess virði því þetta háir mér svo lítið. En Svona getur maður lent í.