Dagur 51.

Ágætis dagur. hitti fullt af hjólafólki eins og oft á laugardögum. 918 km komnir

Dagur 50

Heitur dagur. Er að prófa efni sem á að kæla mig niður. Held  það virki. Núna er ég aðeins 230 km frá heimsmeti Normu Basistas. 900 km komnir og enn furðu sprækur

Dagur 49

Hressandi dagur. Mjg gott hlaupaveður. Ég er að prófa kælivörur frá fyrirtæki sem býr til kæliinnlegg til að setja í húfur og hjálma og kæla höfuðið niður. Prófaði það í dag. Held að það virki ágætlega. Var hressari en vanalega. Mun hlaupa með það næstu vikur. Síðan er ég að lenda í basli með hálsvöðvana. Þetta er þannig að þeir verða slappir og ég á erfitt að halda haus. Fæ flugvélakodda á laugardaginn sem ég mun nota restina af hlaupaleiðinni. Annars bara hress 882 km komnir

Dagur 48

Ágætis dagur. Maginn kominn í lag aftur og bara hress 864 km komnir

Heimsmet 13 april

Þann 13 apríl verð ég búinn með 1152 km hlaupandi sem er yfir núgildandi heimsmets hlaupavegalengd sem er 1138.3 km. Ég held síðan áfram aðhlaupa framtil 25 apríl og verð þá búinn að hlaupa 1368 km og mun þá bæta hlaupametið um 230 km. 26 april mun ég byrja að hjóla. Í raun var markmiðið að hlaupa 1291 km. Hins vegar Lenti ég í basli með video vélina mína og einn dagur lenti ég í gps leiðindum. Ef Guinness eru strangir þá missi ég þá daga. Ef þeir eru ekki strangir mun ég fá þessa daga gilda.  Þannig að ef ég er heppinn verður hlaupaleggurinn 1368 km. Ef ég er ekki heppinn og Guinness tekur af mér þessa daga þá mun ég hlaupa 1291 km. 

Dagur 47

Rok í dag og það kældi mig niður. Bara mjög gott. Var með magapínu og slappur en kláraði daginn. 846 km komnir

Dagur 46

Ágætis veður. Sá risa snák á leiðinni. Og síðan sá ég eitthvað sem líktist Coyote sem er dýr sem er nýtt á þessum slóðum 828 km komnir.

Dagur 45

Ágætis hlaupadagur. Fór framhjá sjávarrétta veislu sem var á leiðinni.Bara gaman að því. Klauf 800 km múrinn í dag. Núna fer að styttast í annan endann á hlaupaleggnum mínum. 810 km komnir

Þegar fólk varð hrætt við mig

Ég byrjaði að hlaupa 9 febrúar. Um viku síðar vrð skotarás hér í flórida þar sem nemandi drap 17 nemendur og særðu fleiri.Ég hleyp með video kameru á höfðinu og snúru úr henni í batterí í vasanum á hlaupagallanum mínum. Lítur mjög undarlega út. Hef ekki séð nokkurn mann nota svona búnað á hlaupum.Eftir skotárásina stoppaði löggan mig og spurði mig hvað ég væri að gera. Margar hræddar húsmæður horfðu á mig skefldar. Það var mikil hræðsla í þjóðfélaginu eftir árásina og þessi hræðsla beindist að öllum sem skera sig úr. Og ég skar mig úr svo sannarlega. Ég gat ekki hætt og tekið hlé á metinu mínu svo nú voru góð ráð dýr. Var að vellta því fyrir mér að hlaupa á næturnar í smá tíma til að losna við hræddar húsmæður og að vera drepinn af lögreglunni. En leist samt ekkert á það. Allt í einu datt mér í hug að láta bæjarstjórann minn vita af þessu vandamáli. Ég hjóla með honum um helgar og þekki hann ágætlega. Hann brást vel við og skrifaði stóra grein með mynd af mér með allan bunaðinn á heimasíðuna sína og heimasíður sem tengjast skolamálum. Kom mjög vel út. Þannig að núna heilsar fólk mér úti á götu og veit hvað ég er að gera.

Dagur 44

Hressandi dagur. Passlegt hitastig og bara gaman að hlaupa. Hitti fullt af hjólreiðafólki sem ég hjóla stundum með um helgar áður en ég byrjaði á þessu meti. 792 km komnir. Mun kljúfa 800 km múrinn á morgun.